Во  месец ноември, зелените пазари во Р. Македонија нудат  изобилство од сезонско овошје и зеленчук.  Доминира понудата на сите сорти на јаболки, јапонски јаболка, крушки, калинки како и цитрусни плодови. Споредено со истиот период лани намалување на цената имаме кај сите сорти на јаболки, крушите,и лимонот , освен кај мандарините, каде бележиме повисока цена за 2,9% споредено со лани. Драстично намалување бележиме кај сортата Црвен Делишес од -34,6 %, кај сите други сорти на јаболки има пад на цените кое се движи од -23% до -35 %.

Кај зеленчукот позначајно зголемување на цената, и тоа од 42,6 % има кај доматот, кај краставиците 24,7 % и кај кромидот 22,4 %.Пад на цената имаме кај зелката од -16,5%, лукот од -25,9% , оризот -3,4% како и кај компирот од -1,6% споредено со минатата година.

Во табелата 1, прикажани се просечните најзастапени цени на некои видови овошја за втората половина од месец ноември (споредбено 2017-2018, како  и стапката на пораст и опаѓање изразена во  проценти).